Grievance HotLine

Grievance ထားရှိခြင်း၏ အကျိုးသက်ရောက်မှုများ

ထိုသို့ Grievance Hot Line ထားရှိခြင်းအားဖြင့် အုပ်ချုပ်မှုအဖွဲ့မှ မိမိဝန်ထမ်းများ၏ လိုအပ်ချက်များ၊ ခံစားချက်များကို နားလည်သိရှိ သဘောပေါက်လွယ်ခြင်း၊ မန်နေဂျာနှင့်ဝန်ထမ်းများကြားရှိ ကွာဟချက်များကို ဖြေရှင်းဆောင်ရွက်နိုင်ခြင်း၊ ပွင့်လင်းမြင်သာမှုရှိစွာဖြင့် လုပ်ငန်းခွင်အတွင်း ကောင်းမွန်စွာစီမံခန့်ခွဲနိုင်ခြင်း၊ ဝန်ထမ်းများအတွက် လုပ်ငန်းခွင်ပျော်ရွှင်အောင်၊ အလုပ်အပေါ်လေးစားတန်ဖိုးထားလာနိုင်အောင် ဖန်တီး ဆောင်ရွက်ပေးနိ်ုင်ခြင်း၊ လုပ်ငန်းခွင်ယန္ထယားကြီးတစ်ခုလုံးအား အပြန်အလှန်ထိန်းကျောင်း ဆောင်ရွက်လာ နိုင်ခြင်း၊ ဝန်ထမ်းများ၏ စိတ်ဓါတ်နှင့်ခွန်အားကို တိုးမြှင့်ဆောင်ရွက်ပေးလာနိုင်ခြင်း တို့ဖြစ်ပါသည်။

 

Grievance Hot Line နှင့် သူ၏လုပ်ဆောင်ချက်များ
AYA ၏ ဝန်ဆောင်မှုပေးသည့် ကိစ္စများနှင့်စပ်လျဉ်း၍ ပြည်သူများမှ အဆင်မပြေမှုများ ပွင့်လင်းစွာ ပြောကြားနိုင်ရန် Grievance Hot Line ဖွင့်လှစ်ထားရှိပြီး No: 09:787877701 သို့ ဆက်သွယ်၍ လည်းကောင်း၊ Customer များနှင့် AYA Bank ဝန်ထမ်းများမှ မိမိတို့၏မကျေနပ်သည့် မည်သည့်ကိစ္စများ ကိုမဆို Staff Committee email သို့ မေးလ်ပို့၍လည်းကောင်း ပွင့်လင်းမြင်သာစွာဖြင့် တိုင်ကြားနိုင်ပါသည်။

Grievance Hot Line ၏ အသုံးဝင်ပုံနှင့် အသုံးပြုပုံအကြောင်းအား သုံးစွဲသူ Customer များလျှင်မြန် လွယ်ကူစွာ နားလည်သဘောပေါက်စေရန်နှင့် တွင်ကျယ်စွာအသုံးပြုနိုင်ရန်အတွက် AYA Website ပေါ်တွင် အကျယ်တဝင့် ရေးသားဖော်ပြထားပြီး Call Centre နှင့် Grievance Hot Line သို့ AYA Bank ၏ ဝန်ဆောင်မှုများနှင့် ပတ်သက်၍ Customer နှင့်ဝန်ထမ်းများမှ ဆက်သွယ်တိုင်ကြားလာသည့် အဆင်မပြေမှု အချို့ကို ဖြေရှင်းဆောင်ရွက်ပေးလျက်ရှိပါသည်။ ဖြစ်ပေါ်လာသည့် ကိစ္စရပ်များအား ဌာနအလိုက်မှ Management Committee သို့တင်ပြကာ ဖြေရှင်းဆောင်ရွက်ပေးလျက်ရှိပြီး ဖြေရှင်းပြီးကိစ္စရပ်များကို သက်ဆိုင်ရာဌာနမှ Record များအဖြစ် သိမ်းဆည်းလျက်ရှိပါသည်။ Staff Committee email သို့ ပေးပို့လာသည့် တိုင်ကြားစာများ ကို HR ဌာနမှ Management Committee သို့ တင်ပြဖြေရှင်းပေးလျက်ရှိပြီး မှတ်တမ်းများကိုလည်း HR ဌာနတွင် သိမ်းဆည်းထားရှိပါသည်။

AYA Bank ဘဏ်ခွဲများဖွင့်လှစ်ထားသည့် နေရာဒေသအသီးသီးရှိ Customer များနှင့် ပြည်သူများ အနေဖြင့် ဘဏ်ဘက်မှစည်းမျဉ်းစည်းကမ်းဖောက်ပြားမှုနှင့် စပ်လျဉ်းသည့်ကိစ္စများအတွက် ယနေ့အချိန်အထိ Grievance Hot Line သို့ တိုင်ကြားလာသည့်ကိစ္စများကို Management Committee သို့တင်ပြ၍ ဖြေရှင်းမှု များ ပြုလုပ်လျက်ရှိပြီး မှတ်တမ်းများထိန်းသိမ်းထားရှိသည်။ ထို့အတူ AYA Bank ၏ Social Media ဖြစ်သည့် AYA Bank Facebook တွင် Customer များနှင့် မိမိတို့ဝန်ထမ်းများမှ တိုင်ကြားလာသည့် ကိစ္စများများကိုလည်း Customer Service Team မှ Management Committee သို့ ပေးပို့တင်ပြ၍ လိုအပ်သလို အရေးယူ ဆောင်ရွက်ကာ ကိုင်တွယ်ဖြေရှင်းပေးလျက်ရှိပါသည်။ နောက်ပိုင်းတွင်လည်း Grievance Hot Line သို့ တိုက်ရိုက်တိုင်ကြားမှုများအား Management Committee သို့တင်ပြ၍ ဖြေရှင်းမှုများပြုလုပ်သွားမည်ဖြစ်ပြီး အသေးစိတ်ဖြေရှင်း ထားသည်များကို Corporate Affairs ဌာနမှမှတ်တမ်းအဖြစ် ထိန်းသိမ်းထားမည်ဖြစ်သည်။